កាតរថយន្តក្រុងសាធារណៈ

កាតពណ៌ខៀវ៖

ដើម្បីទទួលបានកាត អតិថិជនត្រូវបង់ប្រាក់ 4,000រៀល ឬ 1ដុល្លារ។​ ទឹកប្រាក់នេះមានតម្លៃស្មើការជិះរថយន្តក្រុងបានចំនួន 180 ដង។​ សម្រាប់ការស្នើសុំបន្ថែមកញ្ចប់រថយន្តក្រុង គឺមិនមានការបង់ថ្លៃនោះទេ ដែលអាចជិះបានចំនួន 180​ ដង ហើយមានសុពលភាព 6ខែ។

អតិថិជនត្រូវស្នើសុំបន្ថែមកញ្ចប់រថយន្តក្រុងនៅតាមភ្នាក់ងាររថយន្តក្រុងសាធារណៈតែប៉ុណ្ណោះ។

ដើម្បីទទួលបានកាត អតិថិជនត្រូវបង្ហាញ ប័ណ្ណសំគាល់ខ្លួនរបស់ពួកគាត់ (ព្រះសង្ឃ សិស្ស និស្សិត ។ល។)​ និងលេខទូរស័ព្ទសម្រាប់ការចុះឈ្មោះ។

កាតពណ៌បៃតង

អតិថិជនត្រូវបង់ប្រាក់ 10,000 រៀល ឬ 2,5 ដុល្លារ និងត្រូវមានលេខទូរស័ព្ទដើម្បីទទួលបានកាត។ ចំនួនទឹកប្រាក់ 6,000រៀល ឬ1,5ដុល្លារនឹងមាននៅក្នុងកាតបន្ទាប់ពីការទិញ។ សម្រាប់ការជិះរថយន្តក្រុងមួយលើក គឺមានតម្លៃ 1,500 រៀល។​ សម្រាប់ការបញ្ចូលទឹកប្រាក់ អតិថិជនអាចទៅកាន់ភ្នាក់ងារវីងដែលមាននៅទូទាំងប្រទេស។

សម្គាល់៖

អតិថិជនត្រូវទៅកាន់ភ្នាក់ងាររថយន្តក្រុងសាធារណៈ ដើម្បីទទួលបានកាតរថយន្តក្រុង ទាំងកាតពណ៌បៃតង និងកាតពណ៌ខៀវ។ រាល់កាតដែលបានទិញហើយ គឺមិនមានការផ្លាស់ប្តូរជាសាច់ប្រាក់ឡើយ។

សំនួរ សម្រាប់អតិថិជនទូទៅ

Q1. តើការទូទាត់ សេវារថយន្តក្រុងតាមវីង ជាអ្វី?

A1: ការទូទាត់ សេវារថយន្តក្រុងតាម វីង គឹជាការទូទាត់ដោយពុំចំបាច់ប្រើប្រាស់សាច់ប្រាក់។ អតិថិជនគ្រាន់តែប្រើប្រាស់កាត ក្នុងការទូទាត់ប្រាក់ជាមួយរថយន្តក្រុងប៉ុណ្ណោះ។ វាបានផ្លាស់ប្តូរពីការទូទាត់តាមសាច់ប្រាក់សុទ្ធ ទៅជាការទូទាត់ជាមួយម៉ាស៊ីនអេឡិចត្រូនិចទំនើប ទាន់សម័យ រហ័ស ងាយស្រូល​ និង​សុវត្ថិភាព។

Q2. តើកាតរថយន្តក្រុង មានប៉ុន្មានប្រភេទ? អ្វីខ្លះ?

A2: កាតរថយន្តក្រុងមាន ២ ប្រភេទគឺ កាតពណ៌ខៀវ និងកាតពណ៌បៃតង។

Q3. តើកាតរថយន្តក្រុង ពណ៌ខៀវ មានលក្ខណះ និងអត្ថប្រយោជន៏អ្វីខ្លះ?

A3: ​​កាតពណ៌ខៀវ ជាកាតពិសេសមួយសម្រាប់ អតិថិជនជាព្រះសង្ឃ សិស្ស និស្សិត កុមារដែលមានកម្ពស់ទាបជាង1ម៉ែត្រ ជនពិការ និងចាស់ជរាដែលមានអាយុច្រើនជាង 70ឆ្នាំ។​

• តម្លៃកាតគឺ 4,000 រៀល ឬ00ដុល្លារ ដែលគាត់អាចជិះបាន 180ដង ។
• រាល់ការស្នើសុំកញ្ចប់ថ្មី គឺមិនមានការគិតថ្លៃនោះទេ ដែលមានចំនួន 180ដង សុពលភាព ៦ខែ។
• ទីកន្លែងដែលអតិថិជនអាចបើកកាត និងស្នើសុំកញ្ចប់រថយន្តក្រុងថ្មី គឺមាននៅតាមបញ្ជរភ្នាក់ងាររថយន្តក្រុង តែប៉ុណ្ណោះ។
• សម្រាប់ការចុះឈ្មោះបើកកាត អតិថិជនត្រូវមានឯកសារសម្គាល់ខ្លួន (ដើម្បីសម្គាល់ថាជា ព្រះសង្ស សិស្ស និស្សិត ឬ ចាស់ជរា) និងលេខទូរស័ព្ទដើម្បីចុះឈ្មោះ។

Q4. តើកាត រថយន្តក្រុង ពណ៌បៃតងមានលក្ខណះ និងអត្ថប្រយោជន៏អ្វីខ្លះ?

A4: កាតរថយន្តក្រុង ពណ៌បៃតង ជាប្រភេទកាត សម្រាប់អតិថិជនទូទៅ ដែលមិនរាប់បញ្ចូលប្រភេទអតិថិជនពិសេស (កាតរថយន្តក្រុង ពណ៌ខៀវ)។

• តម្លៃកាតគឺ 10,000រៀល ​ឬ50ដុល្លារ ដោយមានសមតុល្យ 6,000រៀល ឬ 1.50 ដុល្លារ ក្នុងគណនីរួចជាស្រេច។
• ការបញ្ចូលទឹកប្រាក់ គឺមិនមានការគិតថ្លៃសេវានោះទេ
• ទីកន្លែងសម្រាប់ការបញ្ចូលប្រាក់ គឺមាននៅតាម ភ្នាក់ងារវីង ឬ ការិយាល័យកណ្តាល់របស់វីង
• តម្លៃជិះមួយដង គឺ 1,500រៀល (ត្រូវមានសមតុល្យក្នុងកាតដើម្បីជិះរថយន្តក្រុង)។
• តម្រូវការសម្រាប់ការចុះឈ្មោះគឺ អតិថិជនត្រូវមានលេខទូរស័ព្ទ
• ទីកន្លែងសម្រាប់បើកកាត គឺនៅតាមបញ្ជរភ្នាក់ងាររថយន្តក្រុង

Q5. តើអតិថិជនរថយន្តក្រុង អាចទូទាត់ និងទទួលបានការបញ្ចុះតម្លៃដូចកាតវីងដែរឬទេ?

A5 : អតិថិជន រថយន្តក្រុង អាចទូទាត់ និងទទួលបានការបញ្ចុះតម្លៃ ដូចកាតគណនីវីងធម្មតាដែរ​ (សម្រាប់កម្មវិធីបញ្ចុះតម្លៃដែលមាននៅតាមដៃគូរបស់វីង)។

Q6. តើអតិថិជនរថយន្តក្រុង អាចទូទាត់ការទិញទំនិញអនឡានបានដែរឬទេ?

A6: អតិថិជន រថយន្តក្រុង អាចទូទាត់ការទិញទំនិញអនឡានបានដូចកាតគណនីវីង (គណនីគ្មានកាត) ធម្មតាដែរ។

Q7. តើខ្ញុំអាចទិញកាត រថយន្តក្រុង នៅទីណា? តើខ្ញុំអាចទិញបានតាមការិយាល័យ វីង​ ឬតាមភ្នាក់ងារវីង បានដែរឬទេ?

A7: អ្នកអាចទិញកាត រថយន្តក្រុង នៅតាមភ្នាក់ងាររថយន្តក្រុង តែប៉ុណ្ណោះ។

Q8. តើខ្ញុំអាចស្នើសុំកញ្ចប់រថយន្តក្រុង និងបញ្ចូលទឹកប្រាក់​ តាមភ្នាក់ងារវីងបានដែរឬទេ?

A8: សម្រាប់កាតពណ៌ខៀវ គឺមិនអាចបានទេ។ អ្នកអាចស្មើសុំកញ្ចប់រថយន្តក្រុងបានតាមរយៈភ្នាក់ងាររថយន្តក្រុងតែប៉ុណ្ណោះ និងអាចបញ្ចូលទឹកប្រាក់បាននៅតាមភ្នាក់ងារវីងសម្រាប់ធ្វើប្រតិបត្តិការវីងផ្សេងៗទៀត។​ អ្នកអាចត្រួពិនិត្យសមតុល្យទាំងកញ្ចប់រថយន្តក្រុង និងចំនួនទឹកប្រាក់ក្នុងគណនី បានតាមរយៈ USSD (*989#)។

ចំណែកកាតបៃតង អ្នកអាចដាក់ប្រាក់បាននៅតាមបណ្តាភ្នាក់ងារវីង  សម្រាប់ភាពងាយស្រួលអតិថិជនអាចទាញយកកម្មវិធីស្មាតហ្វូនរបស់វីង ដើម្បីពិនិត្យសមតុល្យទឹកប្រាក់។ 

Q9. តើបញ្ជររបស់រថយន្តក្រុង បើកដំណើរការពីម៉ោងណាដល់ម៉ោងណា? សម្រាប់រថយន្តក្រុងដឹកអ្នកដំណើរ ចាប់ដំណើរការពីម៉ោងណាដល់ម៉ោងណា?

A9: បញ្ជររបស់រថយន្តក្រុង បើកដំណើរការពីម៉ោង 8:00 ព្រឹក ដល់ ម៉ោង 17:00 រសៀល។ សម្រាប់រថយន្តក្រុងដឹកអ្នកដំណើរ គឺចាប់ដំណើរការពីម៉ោង 5:30 ព្រឹក ដល់ម៉ោង 20:30 រសៀល។

Q10. តើខ្ញុំអាចប្រើកាតវីង សម្រាប់ជិះរថយន្តក្រុង បានដែរឬទេ?

A10: អ្នកអាចប្រើកាតវីង សម្រាប់ជិះរថយន្តក្រុងបានដូចកាតរថយន្តក្រុង ដោយគ្រាន់តែដាក់ដំណើរការកាតនៅតាមភ្នាក់ងាររថយន្តក្រុង ណាមួយក៏បាន ឬនៅការិយាល័យកណ្តាលរបស់វីង។

Q11. តើខ្ញុំប្រើកាតរថយន្តក្រុង ទូទាត់ការជិះរថយន្តក្រុងតាមរយះ QR scan បានដែរឬទេ?

A11: បច្ចុប្បន្នអ្នកមិនទាន់អាចប្រើកាតរថយន្តក្រុង និងកាតវីង សម្រាប់ទូទាត់តាមរយះ QR scan នៅឡើយទេ ។

Q12. តើខ្ញុំអាចទូទាត់ សេវាកម្មរថយន្តក្រុងតាមរយះ USSD (*989#) បានដែរឬទេ?

A12: អ្នកមិនអាចទូទាត់ សេវាកម្មរថយន្តក្រុងតាមរយះ USSD (*989#) បានទេ។

Q13. តើរថយន្តក្រុង គិតថ្លៃសេវាកម្មយ៉ាងដូចម្តេច?

A13: សម្រាប់កាតវីង និងកាតរថយន្តក្រុង ពណ៌បៃតង តម្លៃសម្រាប់ការជិះមួយដងគឺ 1,500 រៀល។ សម្រាប់កាតពណ៌ខៀវ អតិថិជនអាចជិះបាន 180ដង សម្រាប់ការដំណើរការកាតដំបូង។ សម្រាប់ការទិញកញ្ចប់ថ្មី គឺមិនមានការគិតថ្លៃនោះទេ ដែលអាចជិះបាន 180ដង បន្តទៀត។ សមតុល្យត្រូវបានបូកបន្ថែម និងមានសុពលភាព 6ខែ រាប់ចាប់ពីថ្ងៃស្នើសុំបន្ថែម។

Q14. តើខ្ញុំអាចប្រើកាតរថយន្តក្រុង កាតខៀវ ឬកាតបៃតង របស់ខ្ញុំដើម្បីធ្វើប្រតិបត្តិការសេវាកម្មវីង ដូចជាសេវាកម្មវេរលុយ សេវាកម្មទិញកាតទូរស័ព្ទបានដែរទេ?

A14: អ្នកអាចប្រើកាតរថយន្តក្រុង កាតខៀវ ឬកាតបៃតង របស់អ្នកដើម្បីធ្វើប្រតិបត្តិការសេវាកម្មវីង ដូចជាសេវាវេរលុយ សេវាទិញកាតទូរស័ព្ទបាន នៅពេលដែលអ្នកបញ្ចូលទឹកប្រាក់នៅតាមបណ្តាភ្នាក់ងារវីង ឬការិយាល័យកណ្តាលរបស់វីង។

Q15. តើខ្ញុំអាចប្រើកាតរថយន្តក្រុង ជាមួយនឹងកម្មវិធីស្មាតហ្វូនរបស់វីង បានដែរឬទេ?

A15: អ្នកអាចប្រើកាតរថយន្តក្រុង ជាមួយនឹងកម្មវិធីស្មាតហ្វូនរបស់វីងបាន។

Q16. តើកាតរថយន្តក្រុង មានសុពលភាពដែរឬទេ?

A16: ភាពខុសគ្នារវាងសុពលភាពកាត និងសុពលភាពសមតុល្យនៃទឹកប្រាក់។​ សុពលភាពកាតរថយន្តក្រុង មានសុពលភាព ដោយយោងទៅលើឆ្នាំដែលមាននៅលើកាត សម្រាប់កាតបៃតង និង កាតខៀវ។ រីឯ សុពលភាពនៃសមតុល្យនៃកាតខៀវ គឺមានសុពលភាព 6 ខែដោយគិតពីថ្ងៃបញ្ចូលទឹកប្រាក់។​

Q17. តើខ្ញុំអាចប្រើកាតរថយន្តក្រុង តាមរយៈដៃគូទូទាត់របស់វីង (Wing Merchants) បានដែរឬទេ?

A17: អ្នកអាចប្រើ កាតរថយន្តក្រុង ដើម្បីទូទាត់តាមដៃគូរបស់វីង (Wing Merchants) បាន។

Q18. តើការដំណើរការកាតវីងសម្រាប់ទូទាត់សេវាកម្ម រថយន្តក្រុង គិតថ្លៃសេវាកម្មដែរឬទេ?​ មាននៅកន្លែងណាខ្លះ?

A18: ការដំណើរការកាតវីង គឺមិនមានការគិតថ្លៃសេវាទេ។ អ្នកអាចដាក់ដំណើរការកាតរបស់អ្នកបាននៅតាមភ្នាក់ងាររថយន្តក្រុង ឬនៅការិយាល័យកណ្តាលរបស់វីង។

Q19. នៅពេលអតិថិជនបាត់កាត តើគាត់ត្រូវធ្វើដូចម្តេច? តើគាត់អាចផ្ទេរសាច់ប្រាក់ ឬសមតុល្យចំនួនដងទៅកាតថ្មីបានដែរឬទេ?

A19:​ នៅពេលបាត់កាត អតិថិជន​តំរូវឱ្យទាក់ទងមក​កាន់​ភ្នាក់ងាររថយន្តក្រុង ដើម្បីឱ្យភ្នាក់ងាររថយន្តក្រុង ទាក់ទង​មក​កាន់អ្នក​ទទួលខុសត្រូវ របស់វីងផ្នែកបម្រើអតិថិជន ធ្វើការបិទគណនីចាស់​ និង​ប្តូរគណនីថ្មី ដោយ​ផ្ទេរសាច់ប្រាក់ ឬសមតុល្យ​ចំនួនដង​ពីកាតចាស់ទៅកាតថ្មី។

Q20. ប្រសិនបើអតិថិជនបាត់កាត តើអតិថិជនត្រូវចំណាយសេវាបើកកាតថ្មីដែរឬទេ?

A20: អតិថិជនតម្រូវអោយចំណាយ​ថ្លៃសេវាបើកកាតថ្មីគឺមានតំលៃដូចទៅនឹងការទិញកាត​ថ្មី។

Q21. ប្រសិនបើភ្នាក់ងារ រថយន្តក្រុងចុះឈ្មោះបើកកាតជូនអតិថិជនខុសលេខកញ្ចប់? តើគាត់គួរធ្វើយ៉ាងដូចម្តេច?

A21:​ សម្រាប់កាតដែលបើករួច គឺមិនអាចលុបវិញបានទេ។ ក្នុងករណីចុះព័ត៌មានខុសដូចជាឈ្មោះ រឺថ្ងៃខែឆ្នាំកំណើត          អតិថិជនត្រូវមកកាន់ ការិយាល័យវីងផ្ទាល់ ដើម្បីស្នើសុំកែតម្រូវ ដូចអតិថិជន គណនីគ្មានកាត (M-WAC) ដែរ។

Q22. តើអតិថិជនអាចប្រើកាតរថយន្តក្រុងបានដែរឬទេ ប្រសិនបើគាត់វាយលេខសម្ងាត់ខុស៣ដង ហើយគណនីរបស់គាត់ត្រូវបានបិទ?

A22:​ គាត់នៅតែអាចជិះរថយន្តក្រុង​បាន​ដូចធម្មតា

Q23. ប្រសិនបើអតិថិជនទាក់ទងមកផ្នែកសេវាកម្មបម្រើអតិថិជន ដើម្បីដោះស្រាយបញ្ហាអ្វីមួយ តើដំណើរការ និងការផ្ទៀងព័ត៌មានអតិថិជនត្រូវធ្វើដូចម្តេច?

A23: ការផ្ទៀងផ្ទាត់គឺដូច​ទៅនឹង​អតិថិជន​ ដែលមានគណនីគ្មានកាត។

Q24. ប្រសិនបើអតិថិជនជួបបញ្ហាអ្វីមួយ តើគាត់គួរទាក់ទងទៅក្រុមហ៊ុនសេវាកម្មរថយន្តក្រុង ឬ​ មកកាន់សេវាកម្មបម្រើអតិថិជនវីង? តើអតិថិជនអាចទាក់ទងទៅក្រុមហ៊ុនសេវាកម្មរថយន្តក្រុងបានដែរឬទេ?

A24: សម្រាប់ចំនុចនេះ គឺអាស្រ័យទៅលើបញ្ហាដែលកើតមាន។​

         សូមទាក់ទងមកកាន់ភ្នាក់ងាររថយន្តក្រុង សម្រាប់បញ្ហាដែលទាក់ទងជាមួយរថយន្តក្រុង ដូចជា​ខ្សែរត់ និងចំណតរងចាំ….

         សូមទាក់ទងមកកាន់វីង សម្រាប់បញ្ហាដែលទាក់ទងជាមួយកាតរថយន្តក្រុង និងសេវាទូទាត់របស់វីង។

Q25. តើអតិថិជនដែលមានកាត រថយន្តក្រុងទាំងពីរប្រភេទអាចទទួលប្រាក់ពីគណនីវីង​ ទៅគណនីវីង​ បានដែរឬទេ?

A25: សម្រាប់អតិថិជនដែលមានកាត រថយន្តក្រុងទាំងពីរប្រភេទ គឺអាចធ្វើប្រតិបត្តិការ​ដូចអតិថិជន​វីង ប្រភេទគណនីគ្មានកាតទូទៅដែរ។

Q26. តើលេខទូរស័ព្ទអតិថិជនមួយអាចចុះឈ្មោះបានកាត រថយន្តក្រុងចំនួនប៉ុន្មាន?

A26: អតិថិជនមួយអាចចុះឈ្មោះបានកាត រថយន្តក្រុងចំនួនមួយប៉ុណ្ណោះ សម្រាប់លេខទូរស័ព្ទមួយ។

Q27. តើខ្ញុំអាចផ្លាស់ប្តូរកម្មសិទិ្ធកាត រថយន្តក្រុងបានដែរឬទេ?

A27:​ អ្នកមិនអាចធ្វើការផ្លាស់ប្តូរកម្មសិទ្ធិកាតបានទេ មានតែម្ចាស់កាតប៉ុណ្ណោះដែលអាចប្រើប្រាស់កាតនោះបាន។

Q28. តើអតិថិជនអាចប្រើលេខទូរស័ព្ទរបស់អ្នកដទៃ ដើម្បីទទួលបានកាតរថយន្តក្រុងដែររឺទេ?​

A28: អ្នកមិនអាចប្រើប្រាស់លេខទូរស័ព្ទរបស់អ្នកដទៃមកបើកកាត រថយន្តក្រុងបាននោះទេ។

Q29. តើអតិថិជនអាចបើកកាត រថយន្តក្រុងច្រើនជាង ១​បានដែរឬទេ?

A29: អតិថិជនអាចបើកកាត រថយន្តក្រុងច្រើនជាង ១​បាន។

Q30. ប្រសិនបើខ្ញុំមានវីង រួចជាស្រេច តើខ្ញុំអាចភ្ជាប់ប្រើជាមួយ គណនីរបស់កាតរថយន្តក្រុងនៅលើកម្មវិធីវីងស្មាតហ្វូនរបស់វីង  បានដែរឬទេ?

A30: អ្នកអាចភ្ជាប់គណនីវីងកាតរបស់អ្នក ជាមួយគណនីរថយន្តក្រុងនៅលើកម្មវិធីវីងស្មាតហ្វូនរបស់វីងបាន រហូតដល់ 4 គណនី។

សំនួរបន្ថែម សម្រាប់បុគ្គលិក និងភ្នាក់ងាររថយន្តក្រុង

Q01. ប្រសិនបើភ្នាក់ងារ​​ រថយន្តក្រុង វាយលេខសម្ងាត់កម្មវិធីខុស (App User) និងកម្មវិធីត្រូវបានបិទ តើគាត់គួរទាក់ទងសេវាកម្មវីង ឬ រថយន្តក្រុង? រីឯបញ្ហាគណនីភ្ជាប់ជាមួយកម្មវិធីត្រូវបានបិទ តើគាត់គួរទាក់ទងទៅផ្នែកណា?

A01: ភ្នាក់ងាររបស់រថយន្តក្រុងសូមទាក់ទងមកកាន់មន្ត្រីផ្នែកលក់ (Enterprise Business- Public Team)។ រីឯបញ្ហាគណនីភ្ជាប់ជាមួយកម្មវិធីត្រូវបានបិទ សូមទាក់ទងមកកាន់ផ្នែកសេវាកម្មបម្រើអតិថិជន។

Q02. តើភ្នាក់ងារអាចផ្លាស់ប្តូរព័ត៌មានដូចជា ឈ្មោះ ភេទ ឆ្នាំកំណើតរបស់អតិថិជនបានដែរឬទេ ប្រសិនបើមានការស្នើសុំដោយអតិថិជន ក្រោយការចុះឈ្មោះមិនត្រឹមត្រូវ?

A02: ភ្នាក់ងាររថយន្តក្រុងមិនអាចផ្លាស់ប្តូរព័ត៌មាននោះបានទេ។ បើសិនជាមានការកែប្រែសូមទំនាក់ទំនងមកកាន់ផ្នែកសេវាកម្មបម្រើអតិថិជនវីង។

Q03. តើប្រភេទគណនីរបស់ភ្នាក់ងារ រថយន្តក្រុងជាប្រភទគណនី Class of Service​ អ្វី?

A03:  Retail Bill Pay រថយន្តក្រុងApp

Q04. តើមានការផ្តល់ជូន ដោយឥតគិតថ្លៃសម្រាប់បុគ្គលិកវីងដែរឬទេ?

A04: បច្ចុប្បន្នយើងពុំមានការផ្តល់ជូន ពិសេសសម្រាប់បុគ្គលិកវីងនៅឡើយទេ។