វីងអនឡាញម៉ាស្ទ័រកាត

ខចែង និងលក្ខខណ្ឌ៖

1. និយមន័យ

២. កម្មវត្ថុនៃកិច្ចព្រមព្រៀង

២.១ កម្មវត្ថុនៃកិច្ចព្រមព្រៀងដែលធ្វើឡើងដោយម្ចាស់កាត ដោយការយល់ព្រមចំពោះការស្នើសុំ តាមរយៈការធ្វើកិច្ចព្រមព្រៀងនេះ គឺជាការផ្តល់សេវានានាដោយ “វីង” ជូន “លោក-អ្នក” ចំពោះការប្រើប្រាស់សេវាក្នុងគោលបំណងធ្វើការទូទាត់ប្រាក់ដោយម្ចាស់កាតទៅកាន់លោក-អ្នកទទួលការទូទាត់ប្រាក់។

២.២ ក្នុងគោលបំណងផ្តល់ជូនយ៉ាងត្រឹមត្រូវដោយវីង នូវសេវានានាស្របតាមកិច្ចព្រមព្រៀង​ដែលយោងតាមការធ្វើការទូទាត់ប្រាក់ស្របតាមខចែង និងលក្ខខណ្ឌនានានៃការស្នើសុំផ្តល់នេះ។ ម្ចាស់កាត ត្រូវដំណើរការការចុះឈ្មោះគណនីរបស់លោក-អ្នកនៅមុនពេលដែល ​ វីងបំពេញទំនួលខុសត្រូវរបស់ខ្លួនស្របតាមកថាខណ្ឌ ២.១។ នៅក្នុងការស្នើសុំផ្តល់នោះ នៅក្នុង​លំដាប់ដែលបានចែងនៅក្នុងប្រការ ៣ នៅក្នុងការស្នើសុំផ្តល់នោះ និងបង្កើនសមតុល្យនៃគណនីរបស់ម្ចាស់កាតនៅក្នុងចំនួនទឹកប្រាក់នោះ ស្របតាមឆន្ទានុសិទ្ធិរបស់គាត់/នាង។

៣. ការចុះឈ្មោះ និងការដាក់ឲ្យដំណើរការកាតរបស់លោក-អ្នក

៣.‌១ ការប្រើប្រាស់កាត គឺស្របតាមលក្ខខណ្ឌនានានៃកិច្ចព្រមព្រៀងនេះ ដែលអាចមានការកែប្រែដោយយើង ក្នុងពេលណាមួយ។ សំណៅបច្ចុប្បន្ននៃ ខចែង និងលក្ខខណ្ឌនានា គឺអាចស្វែងរកបាននៅលើវែបសាយត៍។ ការប្រើប្រាស់កាតត្រូវមានការព្រមទទួលយករបស់លោក-អ្នកនូវ ខចែង និងលក្ខខណ្ឌទាំងនេះ។

៣.២ ដើម្បីដាក់ពាក្យស្នើសុំកាតរបស់លោក-អ្នក លោក-អ្នកត្រូវតែមានអាយុយ៉ាងតិច ១៦ឆ្នាំ និងរស់នៅក្នុងប្រទេសកម្ពុជា។

៣.៣ យើងនឹងតម្រូវឲ្យមានឈ្មោះ ថ្ងៃខែឆ្នាំកំណើត លេខអត្តសញ្ញាណប័ណ្ណជាតិ/លេខលិខិត​ឆ្លងដែន លេខទូរស័ព្ទចល័ត គណនីវីង និងអ៊ីមែល និងអាសយដ្ឋានបច្ចុប្បន្ន នៅពេលដាក់ពាក្យស្នើសុំកាត។

៣.៤ លោក-អ្នកអាចត្រូវបានស្នើសុំឲ្យដាក់ជូននូវសំណុំឯកសារនានាក្នុងគោលបំណងធ្វើអត្តសញ្ញាណកម្មស្របតាមខចែង និងលក្ខខណ្ឌតម្រូវនៃការយកចិត្តទុកដាក់ស្គាល់អតិថិជនរបស់យើង។ យើងក៏អាចប្រើប្រាស់វិធីសាស្រ្តអេឡិចត្រូនិចនានាដើម្បីបំពេញតាមខចែង និងលក្ខខណ្ឌ​តម្រូវនៃការយកចិត្តទុកដាក់ស្គាល់អតិថិជនរបស់យើងផងដែរ។

៣.៥ លោក-អ្នកនឹងទទួលបានកាតរបស់លោក-អ្នកនៅពេលដែលមានការឯកភាពលើការទូទាត់ប្រាក់។ ព័ត៌មានលម្អិតនឹងត្រូវបានផ្ញើជូនលោក-អ្នកតាមប្រព័ន្ធអ៊ីនធឺណិត និងតាមរយៈសារជាអក្សរទៅកាន់លេខទូរស័ព្ទចល័តដែលលោក-អ្នកផ្តល់ជូន (យោងតាមការផ្ទៀងផ្ទាត់អត្តសញ្ញាណបានជោគជ័យ) និង/ឬសេចក្តីជូនដំណឹងតាមរយៈវែបសាយត៍ ឬកម្មវិធីស្មាតហ្វូនវីង។ សូមចូលមើលវែបសាយត៍សម្រាប់រាល់ជម្រើសនៃបន្ទុកកាតទាំងអស់។

៣.៦ គណនីរបស់ម្ចាស់កាតនៅក្នុងប្រព័ន្ធសេវាទូទាត់ប្រាក់ត្រូវបានបង្កើតឡើងដូចខាងក្រោម៖

៣.៦.១ ការចុះឈ្មោះដោយប្រើប្រាស់កម្មវិធីស្មាតហ្វូនវីង៖

• ក. ជ្រើសរើសកម្មវិធីស្មាតហ្វូនវីងនៅ App Store, Play Store និងទាញយកដោយឥតគិតថ្លៃមកលើឧបករណ៍ចល័តរបស់លោក-អ្នក។
• ខ. បញ្ចូលលេខទូរស័ព្ទរបស់លោក-អ្នកដែលបានជ្រើសរើសនៅក្នុងទម្រង់ដែលបានផ្តល់ជូន។ លេខទូរស័ព្ទដែលបានបញ្ជាក់ដោយម្ចាស់កាតក្នុងអំឡុងពេលចុះឈ្មោះបង្កើតគណនី នឹងត្រូវបានប្រើប្រាស់សំរាប់ចូលកម្មវិធីស្មាតហ្វូនវីង (ឈ្មោះម្ចាស់កាត) នៅពេលប្រើប្រាស់ប្រតិបត្តិការសេវាទូទាត់ប្រាក់នេះ។
• គ. ភ្លាមៗបន្ទាប់ពីទទួលបានសារ ដែលមានទិន្នន័យបញ្ជាក់យថាភាពទាំងអស់ លោក-អ្នកត្រូវបញ្ចូលទិន្នន័យនេះទៅកាន់ទម្រង់បែបបទចុះឈ្មោះ។
• ឃ. អនុវត្តតាមការណែនាំជាដំណាក់កាលនៅក្នុងកម្មវិធីស្មាតហ្វូនវីង និងបំពេញព័ត៌មានដែលចាំបាច់ ដូចជា << កាតអនឡាញ Mastercard >>។

៣.៦.២ ការចុះឈ្មោះតាមរយៈវែបសាយត៍៖

• ក. បញ្ចូលអាសយដ្ឋានអេឡិចត្រូនិចនៃវែបសាយត៍របស់ធនាគារឯកទេសវីងនៅក្នុងរបារ URL ដែលមានអាសយដ្ឋាន: www.wingmoney.com។
• ខ. បញ្ចូលលេខទូរស័ព្ទរបស់លោក-អ្នកជាទម្រង់អន្តរជាតិ​ (ឧទាហរណ៍៖ 85512234567) នៅក្នុងទម្រង់បែបបទចុះឈ្មោះ លេខទូរស័ព្ទដែលបានបញ្ជាក់ដោយម្ចាស់កាតក្នុងអំឡុងពេលចុះឈ្មោះបង្កើតគណនី នឹងត្រូវបានប្រើប្រាស់សំរាប់ចូលកម្មវិធីស្មាតហ្វូនវីង (ឈ្មោះម្ចាស់កាត) នៅពេលប្រើប្រាស់ប្រតិបត្តិការសេវាទូទាត់ប្រាក់នេះ។
• គ. ភ្លាមៗបន្ទាប់ពីទទួលបានសារ ដែលមានទិន្នន័យបញ្ជាក់យថាភាពទាំងអស់ លោក-អ្នកត្រូវបញ្ចូលទិន្នន័យនេះទៅកាន់ទម្រង់បែបបទចុះឈ្មោះ។
• ឃ. អនុវត្តតាមការណែនាំជាដំណាក់កាលនៅក្នុងកម្មវិធីស្មាតហ្វូនវីង និងបំពេញព័ត៌មានដែលចាំបាច់ ដូចជា << កាតអនឡាញ Mastercard >>។

សូមចងចាំថាដើម្បីទទួលបាន កាតអនឡាញ Mastercard នេះ លោក-អ្នកត្រូវតែមានគណនីវីងជាចាំបាច់។

៤. នីតិវិធី ខចែង និងលក្ខខណ្ឌ និងតម្លៃនៃការប្រើប្រាស់កាតរបស់លោក-អ្នក

៤.១ កាតនេះអាចត្រូវបានប្រើប្រាស់តែនៅក្នុងវែបសាយត៍របស់អាជីវករដែលទទួលយក Mastercard តែប៉ុណ្ណោះ។ អាជីវករអាចផ្លាស់ប្តូរគ្រប់ពេលវេលា។

៤.២ លោក-អ្នកត្រូវទទួលខុសត្រូវចំពោះការធានាលើភាពត្រឹមត្រូវនិងភាពជាក់លាក់លើរាល់ការទិញទាំងអស់ដែលធ្វើឡើងជាមួយកាតនេះ។

៤.៣ យើងនឹងធ្វើការកាត់សាច់ប្រាក់ពីគណនីរបស់លោក-អ្នកភ្លាមៗរាល់ការទិញទំនិញនានាដោយប្រើប្រាស់កាតនេះ ពីសមតុល្យនៃគណនីវីងរបស់លោក-អ្នក។ ប្រសិនបើការចំណាយលើសពីសមតុល្យដែលមានក្នុងគណនីវីងរបស់លោក-អ្នក ប្រតិបត្តិការនោះនឹងត្រូវបានបដិសេធ។

៤.៤ លោក-អ្នកមិនត្រូវប្រើប្រាស់កាតនេះ៖

• បន្ទាប់ពីមានសេចក្តីជូនដំណឹងដល់លោក-អ្នកអំពីការដកហូតយកកាតនេះវិញ
• បន្ទាប់ពីកិច្ចព្រមព្រៀងនេះត្រូវបានបញ្ចប់ ឬ
• សំរាប់ការទូទាត់ប្រាក់លើទំនិញខុសច្បាប់ណាមួយឡើយ។

៤.៥ លោក-អ្នកមិនអាចបញ្ឈប់ការទិញណាមួយតាមកាតនេះ បន្ទាប់ពីការទិញទំនិញនោះត្រូវបានអនុញ្ញាតរួចរាល់ហើយ។

៤.៦ វីងនឹងមិនផ្ញើរបាយការណ៍អំពីកាតជូនលោក-អ្នកឡើយ។ លោក-អ្នកអាចដឹងអំពីសមតុល្យនៃកាតរបស់លោក-អ្នក ឬទទួលបានព័ត៌មានអំពីរាល់ប្រតិបត្តិការទិញមុនៗដោយប្រើប្រាស់កាតនេះតាមរយៈការចូលក្នុងកម្មវិធីស្មាតហ្វូនវីង និងត្រួតពិនិត្យមើលប្រតិបត្តិការ ឬតាមរយៈការហៅទូរស័ព្ទទៅកាន់សេវាបម្រើអតិថិជនតាមរយៈលេខ ០២៣ ៩៩៩៩ ៨៩។ លោក-អ្នកត្រូវទទួលខុសត្រូវចំពោះការពិនិត្យតាមដាន​សមតុល្យនៃកាតរបស់លោក-អ្នកដើម្បីធានាបានថាមានប្រាក់គ្រប់គ្រាន់នៅក្នុងកាត នៅគ្រប់ពេលវេលានៃការទិញទំនិញដោយប្រើប្រាស់កាតនេះ។ សមតុល្យបច្ចុប្បន្ននៃកាត និងប្រតិបត្តិការថ្មីៗណាមួយ អាចស្វែងរកបាននៅក្នុងថ្ងៃតែមួយនោះផងដែរ។

៤.៧ ប្រសិនបើមានពេលណាមួយដែលលោក-អ្នកសង្ស័យអំពីប្រតិបត្តិការ ដែលធ្វើឡើងដោយប្រើប្រាស់កាតរបស់លោក-អ្នក លោក-អ្នកត្រូវតែជូនដំណឹងទៅធនាគារឯកទេសវីងភ្លាមៗ តាមរយៈការហៅទូរស័ព្ទទៅកាន់សេវាបម្រើអតិថិជនលេខ ០២៣ ៩៩៩៩ ៨៩ ដោយពុំអាចពន្យារពេលក្នុងលក្ខខណ្ឌណាមួយឡើយ​ ក្នុងរយៈពេល៣០ (សាមសិប) ថ្ងៃ នៃប្រតិបត្តិការរបស់កាតអនឡាញនេះ។

៤.៨ នៅពេលដែលលោក-អ្នកបានជូនដំណឹងដល់វីងអំពីប្រតិបត្តិការណាមួយនៅលើកាតរបស់លោក-អ្នកដែលមិនមានការអនុញ្ញាត ឬ ការប្រតិបត្តិមិនត្រឹមត្រូវនោះ វីងនឹងធ្វើការស៊ើបអង្កេតអំពីការអះអាងរបស់លោក-អ្នកភ្លាមៗ។ នៅក្នុងករណីមួយចំនួន វីងអាចស្នើសុំឲ្យ​លោក-អ្នកផ្តល់ជូននូវព័ត៌មានបន្ថែមអំពីប្រតិបត្តិការនោះ (ឧទាហរណ៍៖ ដើម្បីឲ្យវីងអាចធ្វើការបញ្ជាក់ថា ប្រតិបត្តិការនោះត្រូវបានបញ្ជាក់យថាភាពត្រឹមត្រូវ)។ លោក-អ្នកបញ្ជាក់យល់ព្រមថា លោក-អ្នកនឹងសហការជាមួយនគរបាល ឬអង្គភាពអនុវត្តច្បាប់ផ្សេងទៀត ប្រសិនបើមានការស្នើសុំឲ្យធ្វើដូច្នោះ។

៤.៩ នៅពេលដែលមានការបញ្ជាក់យ៉ាងសមហេតុផលមកវីងថាប្រតិបត្តិការនោះ មិនត្រូវបានអនុញ្ញាតដោយលោក-អ្នកនោះទេ វីងនឹង (យោងតាមខចែង ៤.១០ និង ៤.១២ ខាងក្រោម) បង្វិលប្រាក់នៃប្រតិបត្តិការរបស់លោក-អ្នក ជូនលោក-អ្នកវិញគ្រប់ចំនួន។

៤.១០ វីងរក្សាសិទ្ធិបដិសេធចំពោះការបង្វិលប្រាក់សងវិញស្របតាមខចែង ៤.៩ ប្រសិនបើលោក-អ្នកខកខានមិនបានជូនដំណឹងមកវីង ក្នុងរយៈពេល ៣០ (សាមសិប) ថ្ងៃ បន្ទាប់ពីកាលបរិច្ឆេទធ្វើប្រតិបត្តិការកាតរបស់លោក-អ្នក។

៤.១១ វីងរក្សាសិទ្ធិក្នុងការកាត់សាច់ប្រាក់ពីកាតរបស់លោក-អ្នក នូវចំនួនទឹកប្រាក់ដែលបានបង្វិលសងលោក-អ្នកវិញណាមួយ ដែលបានទូទាត់ជូនលោក-អ្នករួចរាល់ហើយ ប្រសិនបើការស៊ើបអង្កេតបន្ថែមបញ្ជាក់យ៉ាងគ្រប់គ្រាន់ថា លោក-អ្នកពុំមានសិទ្ធិទទួលបានការបង្វិលសាច់ប្រាក់សងវិញនោះទេ។ ប្រសិនបើពុំមានសមតុល្យគ្រប់គ្រាន់នៅក្នុងកាតរបស់លោក-អ្នកសម្រាប់ការកាត់ចំនួនទឹកប្រាក់នៃការបង្វិលសាច់ប្រាក់សងវិញណាមួយដែលបានទូទាត់ជូនលោក-អ្នករួចរាល់នោះ នៅក្នុងកាលៈទេសៈដែលលោក-អ្នកពុំមានសិទ្ធិទទួលបានការបង្វិលសាច់ប្រាក់សងវិញនោះ វីងរក្សាសិទ្ធិក្នុងការអនុវត្តតាមគ្រប់ដំណាក់កាលសមហេតុផលទាំងអស់ (រួមបញ្ចូលទាំងដំណើរការតាមផ្លូវច្បាប់ផងដែរ) ក្នុងការទទួលបានពីលោក-អ្នកវិញនូវចំនួនទឹកប្រាក់នៃការបង្វិលសងវិញណាមួយរួមជាមួយតម្លៃសេវាកម្ម បន្ទុក ឬចំណាយដែលបានកើតឡើងចំពោះវីង។

៤.១២ វីងរក្សាសិទ្ធិក្នុងការកាត់ទុកការបង្វិលសាច់ប្រាក់សងវិញ ប្រសិនបើរកឃើញថា លោក-អ្នកខកខានមិនបានអនុលោមតាមបញ្ញត្តិពាក់ព័ន្ធណាមួយនៃកិច្ចព្រមព្រៀងនេះ។

៤.១៣ វីងនឹងមិនទទួលខុសត្រូវចំពោះការខូចខាត​នៃទំនិញ ឬសេវាណាមួយដែលបានទូទាត់ប្រាក់រួច ដោយប្រើប្រាស់កាតនេះនោះទេ។ សំណួរ ឬការតវ៉ាណាមួយអំពីទំនិញ ឬសេវាបែបនោះ គួរតែត្រូវបានលើកឡើងទៅកាន់អាជីវករដែលពាក់ព័ន្ធ។

៤.១៤ ក្នុងករណីបញ្ចប់កិច្ចព្រមព្រៀងក្នុងការផ្តល់សេវាទំនាក់ទំនងចល័តដែលត្រូវបានធ្វើឡើងរវាងម្ចាស់កាត និងប្រតិបត្តិករទូរគមនាគមន៍ចល័ត ហើយបន្ទាប់ពីធ្វើមោឃភាពលេខទូរស័ព្ទដែលបានបញ្ជាក់ដោយម្ចាស់កាតនៅពេលចុះហត្ថលេខាលើគណនីសម្រាប់ការប្រើប្រាស់សេវារបស់ម្ចាស់កាតនោះ ម្ចាស់កាតត្រូវបានជាប់កាតព្វកិច្ចបញ្ឈប់ការប្រើប្រាស់សេវានានារបស់ប្រព័ន្ធនោះដោយផ្អែកតាមទិន្នន័យបញ្ជាក់យថាភាពដែលរួមបញ្ចូលលេខទូរស័ព្ទដែលបានពោលខាងលើ និងបញ្ចប់កិច្ចព្រមព្រៀងដែលត្រូវបានធ្វើឡើងដោយម្ចាស់កាត ។

៤.១៥ មុនកាលបរិច្ឆេទដែលម្ចាស់កាតដាក់ជូននូវលេខទូរស័ព្ទថ្មីមកកាន់វីង ឬមុនពេលទទួលបានសេចក្តីជូនដំណឹងជាលាយលក្ខណ៍អក្សរពីម្ចាស់កាតអំពីការបញ្ចប់កិច្ចព្រមព្រៀងនោះ វីងមានសិទ្ធិបញ្ឈប់ការប្រើប្រាស់សេវានានារបស់ម្ចាស់កាត ផ្អែកតាមការដាក់ពាក្យស្នើសុំទិន្នន័យបញ្ជាក់យថាភាពដែលរួមបញ្ចូលលេខខ្សែបណ្តាញទូរស័ព្ទ ដែលបានធ្វើមោឃភាពហើយនោះ។

៤.១៦ សិទ្ធិនានាចំពោះសមតុល្យនៃគណនីរបស់ម្ចាស់កាតនោះត្រូវបានបញ្ជាក់យល់ព្រមដោយការដាក់ជូននូវលិខិតបញ្ជាក់ដោយម្ចាស់កាត រួមជាមួយសំណៅចម្លងនៃកិច្ចព្រមព្រៀងដែលបានធ្វើឡើងរវាងម្ចាស់កាត និងក្រុមហ៊ុនទូរស័ព្ទចល័ត ដែលត្រូវបានបញ្ជាក់ដោយវីងភ្ជាប់មកជាមួយ ដើម្បីផ្តល់សេវានានានៃបណ្តាញចល័តដែលអនុញ្ញាតឲ្យម្ចាស់កាតមានបុព្វសិទ្ធិប្រើប្រាស់លេខទូរស័ព្ទ ដែលបានបញ្ជាក់ដោយម្ចាស់កាតនៅពេលចុះហត្ថលេខានៅលើប្រព័ន្ធនោះ និងសំណៅចម្លងលិខិតឆ្លងដែន ឬឯកសារណាមួយផ្សេងទៀតដើម្បីទទួលស្គាល់អត្តសញ្ញាណរបស់ម្ចាស់កាត។

៤.១៧ ក្នុងករណីដែលម្ចាស់កាតខកខានមិនបានដាក់ជូននូវឯកសារនានា ដែលបានបញ្ជាក់នៅក្នុងខចែង ៤.១៦ នៃការស្នើសុំនេះ ក្នុងរយៈពេល៣០ (សាមសិប) ថ្ងៃប្រតិទិន បន្ទាប់ពីកាលបរិច្ឆេទផ្ញើសេចក្តីជូនដំណឹងដូចគ្នានោះមកកាន់វីង លិខិតនោះមានសិទ្ធិ​បញ្ចប់កិច្ចព្រមព្រៀងដែលបានធ្វើឡើងស្របតាមខចែង និងលក្ខខណ្ឌនានានៃការស្នើសុំនេះ ស្របតាមឆន្ទានុសិទ្ធិផ្តាច់មុខនេះ។

៤.១៨ ចំនួនទឹកប្រាក់នៃប្រតិបត្តិការកាតអនឡាញណាមួយដែលត្រូវបានបង្ហាញទៅកាន់វីង ដើម្បីទទួលបានការអនុញ្ញាត ឬសម្រាប់ការទូទាត់ប្រាក់ នឹងត្រូវបានកាត់ចេញពីគណនីវីងនោះ ប៉ុន្តែវាមិនទាន់ជាទឹកប្រាក់ដែលត្រូវបានទូទាត់សម្រាប់ប្រតិបត្តិការនោះឡើយ លើកលែងតែចំនួនទឹកប្រាក់នោះដូចគ្នានឹងចំនួនទឹកប្រាក់ដែលត្រូវបានចេញវិក្កយបត្រពីប្រព័ន្ធទូទាត់ប្រាក់។ វីងនឹងធ្វើការកាត់ ឬក៏ដាក់នូវទឹកប្រាក់បន្ថែមណាមួយចេញពី ឬចូលទៅគណនីវីងរបស់លោក-អ្នក ពាក់ព័ន្ធនឹងចំនួនទឹកប្រាក់នៃប្រតិបត្តិការណាមួយដែលគ្មានតុល្យភាពរវាងចំនួនទឹកប្រាក់នៃការអនុញ្ញាត និងទឹកប្រាក់ដែលត្រូវបានចេញវិក្កយបត្រពីប្រព័ន្ធទូទាត់ប្រាក់សម្រាប់ការទូទាត់ប្រាក់នៃប្រតិបត្តិការនោះ។ វីង អាចដាក់ចំនួនទឹកប្រាក់ដែលបានកាត់រួចរាល់ណាមួយសម្រាប់ប្រតិបត្តិការដែលមិនជោគជ័យ ដែលមិនត្រូវបានចេញវិក្កយបត្រទៅកាន់អតិថិជនសម្រាប់ការទូទាត់ប្រាក់ ក្នុងរយៈពេល ៣០ (សាមសិប) ថ្ងៃប្រតិទិនចាប់ពីកាលបរិច្ឆេទនៃប្រតិបត្តិការនោះ ទៅក្នុងគណនីវីងរបស់លោក-អ្នកវិញ។ លើសពីនេះទៀត វីងអាចកាត់បន្ថយចំនួនពេលវេលានៃការដាក់ប្រាក់នោះ ពី ៣០ (សាមសិប) ថ្ងៃប្រតិទិនទៅ ១៥ (ដប់ប្រាំ) ថ្ងៃប្រតិទិនវិញ ប្រសិនបើ វីង ទទួលបានសំណើជាលាយលក្ខណ៍អក្សរណាមួយពីម្ចាស់កាត ដោយបញ្ជាក់ថា ប្រតិបត្តិការនោះមិនត្រូវបានអនុវត្តយ៉ាងពេញលេញឡើយ។ ទោះបីជាយ៉ាងណាក៏ដោយ ម្ចាស់កាតនៅតែទទួលខុសត្រូវចំពោះប្រតិបត្តិការដែលមិនជោគជ័យណាមួយ ឬទាំងអស់ ប្រសិនបើប្រតិបត្តិការទាំងនោះត្រូវបានផ្ញើទៅកាន់វីង ឲ្យធ្វើការទូទាត់ប្រាក់នៅពេលក្រោយ។

៥.ការលុបចោលកាតរបស់លោក-អ្នក

៥.១ លោក-អ្នកមានសិទ្ធិស្របច្បាប់ក្នុងការលុបចោលកាតរបស់លោក-អ្នក តាមរយៈការជូនដំណឹងទៅកាន់វីង។

៥.២ ប្រសិនបើលោក-អ្នកលុបចោលកាតរបស់លោក-អ្នក ទោះបីជាដោយសារមូលហេតុណាមួយក៏ដោយ វីងនឹងបិទដំណើរការកាតរបស់លោក-អ្នកភ្លាមៗ ដែលលោក-អ្នកនឹងមិនអាចប្រើប្រាស់កាតនេះទៀតបានឡើយ។ លោក-អ្នកនឹងគ្មានសិទ្ធិទទួលបានការបង្វិលសងវិញនូវទឹកប្រាក់ដែលលោក-អ្នកបានចំណាយទៅលើប្រតិបត្តិការរបស់លោក-អ្នករួចរាល់ហើយ ឬប្រតិបត្តិការដែលនឹងកើតឡើង ឬតម្លៃសេវាកម្មណាមួយដែលដល់កំណត់បង់សម្រាប់ការប្រើប្រាស់កាតនេះ មុនពេលកាតនេះត្រូវបានលុបចោលនោះទេ។

៥.៣ លោក-អ្នកអាចលុបចោលកាតរបស់លោក-អ្នកតាមរយៈការទំនាក់ទំនងទៅកាន់សេវាបម្រើអតិថិជនរបស់វីងលេខ ០២៣ ៩៩៩៩ ៨៩ ឬទៅកាន់ទីស្នាក់ការកណ្តាលរបស់វីងដោយផ្ទាល់ ឬ បិទដំណើរការកាតនៅលើកម្មវិធីស្មាតហ្វូនវីង។

៥.៤ ប្រសិនបើ នៅពេលណាមួយ៖​

• លោក-អ្នកបានបំពានខចែង និងលក្ខខណ្ឌណាមួយក្នុងចំណោមខចែង និងលក្ខខណ្ឌនានានៃកិច្ចព្រមព្រៀងនេះ ឬវីងមានមូលហេតុសមស្របក្នុងការសង្ស័យថាមានការក្លែងបន្លំ អំពើចោរកម្ម ឬភាពមិនស្មោះត្រង់ វីងនឹងមានសិទ្ធិអនុវត្តតាមដំណាក់កាលនានា ដែលវីងចាត់ទុកថាមានភាពចាំបាច់យ៉ាងសមហេតុផលក្នុងការរឹតត្បិតចំពោះសិទ្ធិក្នុងការប្រើប្រាស់កាតរបស់លោក-អ្នក ដែលរួមមានជាអាទិ៍ ដោយពុំចាំបាច់ជូនដំណឹងទៅកាន់លោក-អ្នកជាមុនឡើយ បដិសេធមិនផ្តល់ការអនុញ្ញាតចំពោះការទិញណាមួយ ធ្វើការផ្អាក ដកយក ឬលុបចោលកាតរបស់លោក-អ្នក។
• ប្រសិនបើវីងធ្វើបែបនេះ វីងនឹងជូនដំណឹងលោក-អ្នកភ្លាមៗបន្ទាប់ពីវីងអាច ឬទទួលបានការអនុញ្ញាតឲ្យធ្វើដូច្នោះ បន្ទាប់ពីវីងបានអនុវត្តតាមដំណាក់កាលទាំងនេះរួចរាល់ហើយ។ នៅក្នុងកាលៈទេសៈទាំងនេះ លោក-អ្នកត្រូវតែប្រាប់វីងអំពីអ្វីដែលលោក-អ្នកចង់ឲ្យអនុវត្តចំពោះទឹកប្រាក់ដែលមិនបានប្រើប្រាស់ ក្នុងរយៈពេល ១២ (ដប់ពីរ) ខែ ចាប់ពីកាលបរិច្ឆេទដែលវីងប្រាប់លោក-អ្នកថាកាតរបស់លោក-អ្នកត្រូវបានលុបចោល។

៥.៥ លេខកាតរបស់លោក-អ្នកនឹងមានសុពលភាពរយៈពេល ១ ឬ ២ឆ្នាំ អាស្រ័យទៅតាមប្រភេទរបស់កាត។ ក្នុងករណីដែលកាតរបស់លោក-អ្នកអស់សុពលភាព លោក-អ្នកអាចបើកកាតថ្មីដោយខ្លួនឯងតាមរយៈកម្មវិធីស្មាតហ្វូនវីង។

៦. ការរក្សាការសម្ងាត់ និងសុវត្ថិភាព

៦.១ លោក-អ្នកត្រូវ អនុវត្តវិធានការចាំបាច់ណាមួយដើម្បីរក្សាសុវត្ថិភាព និងការពារព័ត៌មាន និងឯកសារនានាដែលត្រូវបានផ្លាស់ប្តូរនៅក្នុងសេវានេះ ឬដែលលោក-អ្នកអាចទទួលបានពាក់ព័ន្ធនឹងការប្រើប្រាស់សេវានេះ។

៦.២ លោក-អ្នកត្រូវ អនុវត្តរាល់វិធានការចាំបាច់ទាំងអស់ដើម្បីរក្សាការសម្ងាត់ ទប់ស្កាត់ការប្រើប្រាស់ដោយគ្មានការអនុញ្ញាតណាមួយ និងការពារទិន្នន័យបញ្ជាក់យថាភាពរបស់គាត់/នាងពីការចូលប្រើប្រាស់ដោយគ្មានការអនុញ្ញាតណាមួយដោយភាគីផ្សេងទៀត។ លោក-អ្នកមិនត្រូវជូនដំណឹងអំពីទិន្នន័យបញ្ជាក់យថាភាពរបស់អ្នកទៅកាន់តតិយជនណាម្នាក់។

៦.២.១ ដើម្បីទប់ស្កាត់ការប្រើប្រាស់ដោយគ្មានការអនុញ្ញាត និងដើម្បីការពារទិន្នន័យបញ្ជាក់យថាភាពផ្ទាល់ខ្លួនពីការចូលប្រើប្រាស់ដោយគ្មានការអនុញ្ញាតដោយភាគីណាមួយ ពីចំងាយ លោក-អ្នកត្រូវ ដំឡើងកម្មវីធី​នៅលើឧបករណ៍បច្ចេកទេសដែលលោក-អ្នកប្រើប្រាស់ ដើម្បីប្រើសេវានោះ (លើកលែងចំពោះឧបករណ៍ម៉ាស៊ីន POSដែលជារបស់ភ្នាក់ងារ) នូវសូហ្វវែរប្រឆាំងមេរោគមួយដោយឯករាជ្យ និងធ្វើបច្ចុប្បន្នកម្មវាដើម្បីធ្វើការថែទាំឲ្យបានទាន់ពេលវេលា។ ប្រសិនបើពុំមានការប្រើប្រាស់សូហ្វវែរប្រឆាំងមេរោគ ការប្រើប្រាស់សូហ្វវែរប្រឆាំងមេរោគដែលគ្មានអាជ្ញាប័ណ្ណ (ត្រូវបានទិញដោយខុសច្បាប់) ឬធ្វើបច្ចុប្បន្នកម្មយឺតយ៉ាវ ដោយម្ចាស់កាត បណ្តាលឲ្យភាគីផ្សេងទៀតអាចចូលប្រើប្រាស់ទិន្នន័យបញ្ជាក់យថាភាពរបស់ម្ចាស់កាតដោយគ្មានការអនុញ្ញាត វីងនឹងមិនទទួលខុសត្រូវចំពោះការខូចខាតណាមួយដែលកើតឡើងចំពោះគណនីរបស់ម្ចាស់កាត (ដែលរួមបញ្ចូលទាំងការទូទាត់ប្រាក់ ចំពោះការចំណាយលើសមតុល្យគណនីរបស់លោក-អ្នកកាន់ផងដែរ) តាមរយៈសេវានោះដោយប្រើប្រាស់ទិន្នន័យបញ្ជាក់យថាភាពរបស់ម្ចាស់កាតឡើយ រហូតទាល់តែវីងទទួលបានសេចក្តីជូនដំណឹងដ៏ត្រឹមត្រូវមួយ។

៦.៣ វីងនឹងអនុវត្តលើការរក្សាការសម្ងាត់ដែលពាក់ព័ន្ធនឹងព័ត៌មានលម្អិតផ្ទាល់ខ្លួនរបស់លោក-អ្នក ព្រមទាំងព័ត៌មាននានាស្តីពីលោក-អ្នកដែលវីងបានដឹងពាក់ព័ន្ធនឹងការប្រើប្រាស់សេវារបស់លោក-អ្នក លើកលែងនៅពេលដែល៖

• ព័ត៌មាន នោះ គឺជាព័ត៌មានសាធារណៈ
• ព័ត៌មានត្រូវបានលាតត្រដាងដោយមានការស្នើសុំ ឬដោយមានការអនុញ្ញាតពីលោក-អ្នក
• ព័ត៌មានទាំងនោះនឹងត្រូវបង្ហាញទៅកាន់ភាគីជាប់កិច្ចព្រមព្រៀងរបស់ម្ចាស់កាតនៅក្នុងកម្រិតដែលចាំបាច់ដើម្បីបំពេញកិច្ចព្រមព្រៀងដែលបានធ្វើឡើងស្របតាមខចែង និងលក្ខខណ្ឌនានានៃការស្នើសុំនេះ
• ព័ត៌មានទាំងនោះត្រូវបានតម្រូវឲ្យធ្វើការលាតត្រដាងដោយសារមូលហេតុនានាដែលបានចែងដោយច្បាប់ ឬសន្ធិសញ្ញាដែលមានការសង្ស័យ ឬសំណើនៃការចោទប្រកាន់ដែលពាក់ព័ន្ធ ឬសំណើរបស់អង្គភាពរដ្ឋដែលមានសិទ្ធិអនុញ្ញាតចំពោះការទទួលបានព័ត៌មានទាំងនោះ។

៦.៤ លោក-អ្នកត្រូវព្រមព្រៀង៖

• មិនអនុវត្តតាមរយៈសេវានេះ នូវប្រតិបត្តិការហិរញ្ញវត្ថុមិនស្របច្បាប់ ការធ្វើជំនួញមិនស្របច្បាប់ ប្រតិបត្តិការនានាចំពោះការធ្វើនីតិកម្មប្រាក់ចំណូលដែលទទួលបានពីបទឧក្រិដ្ឋ និងប្រតិបត្តិការណាមួយផ្សេងទៀតដែលរំលោភបំពានលើច្បាប់។
• ទប់ស្កាត់ចលនាណាមួយនៃការធ្វើជំនួញមិនស្របច្បាប់ ប្រតិបត្តិការហិរញ្ញវត្ថុមិនស្របច្បាប់ ប្រតិបត្តិការនានាដែលមានគោលបំណងធ្វើនីតិកម្ម (លាងសម្អាតប្រាក់) ប្រាក់ចំណូលដែលទទួលបានពីបទឧក្រិដ្ឋ។

៦.៥ វីងរក្សាសិទ្ធិក្នុងការបដិសេធមិនឲ្យម្ចាស់កាតណាម្នាក់ធ្វើការទូទាត់ប្រាក់ដោយប្រើប្រាស់សេវានេះតាមរយៈការផ្ញើសារជាអក្សរទៅកាន់លេខរបស់លោក-អ្នក ដោយលើកឡើងអំពីមូលហេតុនៃការបដិសេធបែបនោះ ដែលរួមបញ្ចូលទាំង នៅក្នុងករណីដែលមានចម្ងល់សមហេតុផលណាមួយចំពោះភាពស្របច្បាប់នៃសកម្មភាពទាំងនោះរបស់ម្ចាស់កាតផងដែរ។ នៅក្នុងករណីបែបនោះ វីងត្រូវមានសិទ្ធិតម្រូវឲ្យលោក-អ្នក៖

• ផ្តល់ព័ត៌មានបន្ថែមអំពីសកម្មភាពរបស់ម្ចាស់កាត (ដែលរួមបញ្ចូលទាំងព័ត៌មានដែលត្រូវបានចងក្រងជាឯកសារនៅលើក្រដាសផងដែរ) ក្នុងករណីបដិសេធមិនព្រមបង្ហាញព័ត៌មានទាំងនោះ និងខកខានមិនបានបង្ហាញព័ត៌មានទាំងនោះក្នុងរយៈពេល ១៥ (ដប់ប្រាំ) ថ្ងៃចាប់ពីថ្ងៃដែលការស្នើសុំយ៉ាងត្រឹមត្រូវមួយត្រូវបានធ្វើឡើងទៅកាន់ម្ចាស់កាតឲ្យបង្ហាញឯកសារ (ព័ត៌មាន) ទាំងនោះ ប្រតិបត្តិករសេវានោះនឹងបិទគណនីរបស់ម្ចាស់កាត។
• បង្ហាញសំណៅចម្លងដែលមានការបញ្ជាក់ពីសារការីនៃកិច្ចព្រមព្រៀងស្តីពីសេវាទំនាក់ទំនងចល័តដែលត្រូវបានធ្វើឡើងជាមួយទូរស័ទ្ទចល័ត ដែលអនុញ្ញាតឲ្យម្ចាស់កាតប្រើប្រាស់លេខលោក-អ្នកជាវដែលបានបញ្ជាក់ដោយម្ចាស់កាតនៅពេលចុះឈ្មោះម្ចាស់កាតនៅក្នុងសេវានោះ។

៦.៦ វីងត្រូវគ្រប់គ្រងជាអចិន្រ្តៃយ៍លើការរក្សាការសម្ងាត់នៃព័ត៌មានលម្អិតផ្ទាល់ខ្លួនរបស់ម្ចាស់កាត។ វីងមិនត្រូវប្រើប្រាស់ និងមិនលាតត្រដាងព័ត៌មានដែលធ្វើអត្តសញ្ញាណកម្មម្ចាស់កាតណាម្នាក់ក្នុងគោលបំណងដែលមិនទាក់ទងនឹងការអនុវត្តការចេញឯកសារនានា ធ្វើការតម្រូវ ឬធ្វើការដោះស្រាយណាមួយជាមួយម្ចាស់កាតនោះទេ។ ការលាតត្រដាងអំពីព័ត៌មានណាមួយអាចធ្វើឡើងបានតែក្នុងករណីដែលត្រូវបានជូនដំណឹងជាមុនទៅកាន់ម្ចាស់កាត នៅពេលទទួលបានព័ត៌មានទាំងនោះពីម្ចាស់កាតណាម្នាក់ ឬដោយមានការយល់ព្រមពីម្ចាស់កាតតែប៉ុណ្ណោះ។ នៅពេលនោះ តក្រុមហ៊ុនទូរស័ព្ទចល័តត្រូវមានសិទ្ធិប្រគល់ជូនបុគ្គលផ្សេងទៀត នូវការទទួលបានព័ត៌មានអំពីម្ចាស់កាតលុះត្រាតែម្ចាស់កាតបានបង្ហាញដោយផ្ទាល់ នូវចំណាប់អារម្មណ៍របស់គាត់/នាងចំពោះទំនិញ ការងារ ឬសេវារបស់ពួកគេ។

៦.៧ វីងត្រូវមានសិទ្ធិគ្រប់ពេលវេលា ដោយពុំចាំបាច់ជូនដំណឹងបន្ថែមណាមួយទៅកាន់ម្ចាស់កាតឡើយ ក្នុងការអភិវឌ្ឍន៍ និងចាប់ផ្តើមអនុវត្តវិធានការសុវត្ថិភាពបន្ថែមចំពោះការប្រើប្រាស់សេវា។ វីងត្រូវដាក់សេចក្តីជូនដំណឹងអំពីវិធីវិធានការសុវត្ថិភាព​ និងសកម្មភាពនានារបស់ម្ចាស់កាតដែលពាក់ព័ន្ធ (ប្រសិនបើមាន) នៅលើវែបសាយត៍។

៧. ទំនួលខុសត្រូវ

៧.១ នៅក្នុងករណីដែលលោក-អ្នកមិនប្រើប្រាស់កាតរបស់លោក-អ្នកស្របតាម ខចែង និងលក្ខខណ្ឌទាំងនេះ ឬវីងរកឃើញថា លោក-អ្នកកំពុងប្រើប្រាស់កាតនេះសម្រាប់ការក្លែងបន្លំណាមួយនោះ វីងរក្សាសិទ្ធិក្នុងការគិតប្រាក់ពីលោក-អ្នកនូវតម្លៃសេវាកម្មដែលសមហេតុផលណាមួយដែលកើតឡើងចំពោះវីងនៅក្នុងការអនុវត្តវិធានការដើម្បីបញ្ឈប់លោក-អ្នកពីការប្រើប្រាស់កាតនេះ និងទទួលបានពីលោក-អ្នកវិញនូវទឹកប្រាក់ណាមួយដែលនៅជំពាក់ដោយសារសកម្មភាពនានារបស់លោក-អ្នក។

៧.២ ដូចកាតទូទាត់ប្រាក់ដទៃទៀតដែរ យើងមិនអាចធានាថាអ្នកលក់រាយនឹងទទួលយកកាតរបស់លោក-អ្នកនោះទេ ឬថាយើងនឹងផ្តល់ការអនុញ្ញាតជាចាំបាច់សម្រាប់ប្រតិបត្តិការជាក់លាក់ណាមួយនោះទេ។ ការមិនទទួលយក ឬមិនអនុញ្ញាតនេះអាចកើតឡើងដោយសារបញ្ហារបស់ប្រព័ន្ធ ចំណុចណាមួយដែលស្ថិតនៅខាងក្រៅការគ្រប់គ្រងសមហេតុផលរបស់យើង ឬដោយសារយើងមានសង្ស័យថា កាតរបស់លោក-អ្នកត្រូវបានប្រើប្រាស់មិនបានត្រឹមត្រូវ។ ផ្អែកតាមចំណុចនេះ យើងនឹងមិនទទួលខុសត្រូវនោះទេ នៅក្នុងករណីដែលអាជីវករណាម្នាក់មិនទទួលយកការទូទាត់ប្រាក់របស់លោក-អ្នកនោះ ឬប្រសិនបើយើងមិនផ្តល់ការអនុញ្ញាតដល់ប្រតិបត្តិការណាមួយ ឬប្រសិនបើយើងលុបចោល ឬផ្អាកការប្រើប្រាស់កាតរបស់លោក-អ្នក។

៧.៣ លើកលែងតែត្រូវបានតម្រូវដោយច្បាប់ វីងនឹងមិនទទួលខុសត្រូវចំពោះការបាត់បង់ ឬការខូចខាតដោយផ្ទាល់ ឬដោយប្រយោលណាមួយ ដែលលោក-អ្នកអាចទទួលរងដោយសារការប្រើប្រាស់សរុប ឬមួយផ្នែក ឬអសមត្ថភាពក្នុងការប្រើប្រាស់កាតរបស់លោក-អ្នក ឬការប្រើប្រាស់កាតរបស់លោក-អ្នកដោយភាគីផ្សេងណាម្នាក់នោះទេ។

៧.៤ យើងអាចធ្វើការរឹតត្បិត ឬបដិសេធមិនផ្តល់ការអនុញ្ញាតចំពោះការប្រើប្រាស់កាតរបស់លោក-អ្នកនៅក្នុងយុត្តាធិការតាមផ្លូវច្បាប់ណាមួយ ប្រសិនបើការប្រើប្រាស់នោះកំពុង បណ្តាល ឬអាចបណ្តាលឲ្យមានការបំពានលើ ខចែង និងលក្ខខណ្ឌនានានៃកិច្ចព្រមព្រៀងនេះ ឬប្រសិនបើយើងសង្ស័យថាមានការប្រើប្រាស់កាតសម្រាប់បទឧក្រិដ្ឋ ឬការក្លែងបន្លំ។

៧.៥ លោក-អ្នកត្រូវតែជូនដំណឹងទៅកាន់វីងភ្លាមៗអំពីការប្រើប្រាស់គណនីកាតអនឡាញដែលមានការបាត់បង់ ការលួច អំពើចោរកម្ម និង/ឬដែលគ្មានការអនុញ្ញាត ដោយផ្ទាល់មាត់ ឬជាលាយលក្ខណ៍អក្សរ។ លោក-អ្នកអាចនឹងត្រូវទទួលខុសត្រូវចំពោះប្រតិបត្តិការដែលគ្មានការអនុញ្ញាតណាមួយ ឬទាំងអស់ ប៉ុន្តែលោក-អ្នកពុំមានទំនួលខុសត្រូវចំពោះការប្រើប្រាស់ដែលគ្មានការអនុញ្ញាតណាមួយដែលកើតឡើងបន្ទាប់ពីលោក-អ្នកបានជូនដំណឹងទៅកាន់វីងដោយផ្ទាល់មាត់ ឬជាលាយលក្ខណ៍អក្សរ អំពីការប្រើប្រាស់កាតអនឡាញរបស់លោក-អ្នកដែលមានការបាត់បង់ ការលួច អំពើចោរកម្ម និង/ឬការមិនអនុញ្ញាតផ្សេងទៀតៗដែលអាចកើតឡើងនោះទេ។

៨. ការកែប្រែចំពោះ ខចែង និងលក្ខខណ្ឌទាំងនេះ

៨.១ វីងអាចបន្ថែម ឬដាក់បន្ទុក ខចែង និងលក្ខខណ្ឌទាំងនេះស្របតាម ខចែង ៨.២។ វីងអាចបន្ថែមតម្លៃសេវាកម្មតម្លៃសេវាកម្ម និងថ្លៃបន្ទុកថ្មីៗ ឬធ្វើការកែប្រែតម្លៃសេវាកម្មតម្លៃសេវាកម្ម និងថ្លៃបន្ទុកដែលមានស្រាប់នៅពេលណាមួយ។

៨.២ វីងនឹងប្រាប់លោក-អ្នកជាមុន ប្រសិនបើវីងបន្ថែម ឬកែប្រែ ខចែង និងលក្ខខណ្ឌទាំងនេះ ឬប្រសិនវីងបន្ថែមតម្លៃសេវាកម្ម និងថ្លៃបន្ទុកថ្មីៗ ឬធ្វើការកែប្រែតម្លៃសេវាកម្ម និងថ្លៃបន្ទុកដែលមានស្រាប់នោះ។ ចំនួនទឹកប្រាក់ និងប្រភេទនៃការជូនដំណឹងដែលវីងនឹងផ្តល់ជូនលោក-អ្នក នឹងអនុវត្តតាមច្បាប់ និងបទប្បញ្ញត្តិនានាដែលអនុវត្តនៅពេលនេះ។ (ឧទាហរណ៍៖ វីងអាចជូនដំណឹងដល់លោក-អ្នកជាលិខិត សំបុត្រតាមប្រព័ន្ធអេឡិចត្រូនិច ទូរស័ព្ទ (ដែលរួមបញ្ចូលទាំងសារជាសម្លេងផងដែរ) ឬតាមរយៈការផ្សាយពាណិជ្ជកម្មណាមួយនៅក្នុងវែបសាយត៍របស់វីង និងនៅតាមបណ្តាញសង្គម)។

៨.៣ ប្រសិនបើវីងកែប្រែ ឬបន្ថែម ខចែង និងលក្ខខណ្ឌទាំងនេះ ហើយលោក-អ្នកមិនសប្បាយចិត្តនឹងទទួលយកការកែប្រែទាំងនោះ លោក-អ្នកអាចបញ្ចប់កិច្ចព្រមព្រៀងនេះ និងបិទដំណើរការកាតរបស់លោក-អ្នកបាន។ ប្រសិនបើលោក-អ្នកមិនបានស្នើសុំឲ្យវីងបញ្ចប់កិច្ចព្រមព្រៀងនេះទេ លោក-អ្នកត្រូវបានចាត់ទុកថាបានទទួលយកការកែប្រែនានាទៅតាមកាលបរិច្ឆេទដែលមានប្រសិទ្ធភាពនៃការកែប្រែទាំងនោះ។

៩. តម្លៃសេវាកម្ម

៩.១ តម្លៃសេវាកម្ម ប្រចាំខែ និងតម្លៃសេវាកម្មផ្លាស់ប្តូរថ្មី
ថ្លៃកាតប្រចាំខែ និងថ្លៃផ្លាស់ប្តូរកាតថ្មីដែលមិនអាចបង្វិលសងវិញបាន (យោងតាមសេវាកាត និងបន្ទុកនៃតម្លៃសេវាកម្មនានា) ដូចត្រូវបានបញ្ញត្តិដោយវីងពីក្នុងពេលណាមួយ នឹងត្រូវបានកាត់ចេញពីគណនីវីងរបស់ម្ចាស់កាតសម្រាប់ការប្រើប្រាស់កាតអនឡាញនោះ។

៩.២ តម្លៃសេវាកម្មលើប្រតិបត្តិការដែលត្រូវបានបដិសេធ
ម្ចាស់កាតត្រូវបានជាប់បន្ទុកតម្លៃសេវាកម្ម (យោងតាមតារាងសេវាកាត និងបន្ទុកនៃតម្លៃសេវាកម្មនានា) ប្រសិនបើប្រតិបត្តិការណាមួយដែលត្រូវបានអនុវត្តដោយអតិថិជនត្រូវបានបដិសេធដោយសារការគ្មានសមតុល្យនៅក្នុងគណនីវីង។

៩.៣ តម្លៃសេវាកម្មដោះស្រាយវិវាទ
ប្រសិនបើម្ចាស់កាតស្នើសុំឲ្យវីងដោះស្រាយវិវាទណាមួយ តម្លៃសេវាកម្មនៃប្រតិបត្តិការនឹងត្រូវអនុវត្ត ហើយនិងត្រូវកាត់ពីគណនីវីងរបស់លោក-អ្នក (យោងតាមតារាងសេវាកាត និងតម្លៃសេវាកម្មនានា)។ ទោះបីជាយ៉ាងណាក៏ដោយ វីងនឹងជូនដំណឹងដល់អ្នកមុន អំពីតម្លៃសេវាកម្ម​ និងបន្ទុកផ្សេងៗទៀតដែលមិនត្រូវបានរៀបរាប់នៅក្នុងសេវាកាត និងបន្ទុកកម្រៃជើងសារ មុនពេលអនុវត្តទម្រង់ការណាមួយចំពោះករណីនេះ។​

៩.៤ តម្លៃសេវាកម្មប្តូររូបិយប័ណ្ណបរទេស (កម្រៃ FX)
តម្លៃសេវាកម្មប្តូររូបិយប័ណ្ណបរទេស ចំនួន ២,៥% នៃទំហំប្រតិបត្តិការនឹងត្រូវបានគិតពីម្ចាស់កាត នៅពេលដែលម្ចាស់កាតទិញទំនិញ ឬសេវាជារូបិយប័ណ្ណផ្សេងក្រៅពីរួបិយប័ណ្ណដុល្លារអាមេរិក។ (សំរាប់បច្ចុប្បន្នភាពនៃតំលៃ សូមយោងតាមតារាងសេវាកាត និងតម្លៃសេវាកម្មនានា)

១០. លក្ខខណ្ឌទូទៅ

១០.១ វីងនឹងមិនទទួលខុសត្រូវចំពោះភាពយឺតយ៉ាវ ឬការខកខានក្នុងការបំពេញកាតព្វកិច្ចណាមួយរបស់ខ្លួនពាក់ព័ន្ធនឹងការប្រើប្រាស់កាតនេះឡើយ ប្រសិនបើភាពយឺតយ៉ាវ ឬការខកខាននោះកើតឡើងដោយសារកាលៈទេសៈណាមួយដែលលើសពីការគ្រប់គ្រងដោយសមហេតុផលរបស់វីង។

១០.២ គណនី និងកំណត់ត្រានានាដែលត្រូវបានរក្សាទុកដោយវីង ឬជំនួសឲ្យវីង ត្រូវ ដោយគ្មានកំហុសឆ្គងជាក់លាក់ណាមួយ បង្កើតជាភ័ស្តុតាងគ្រប់គ្រាន់នៃអង្គហេតុ ឬហេតុការណ៍ណាមួយដែលត្រូវបានពឹងផ្អែកដោយវីង ពាក់ព័ន្ធនឹងការទិញដោយប្រើប្រាស់កាត ឬបញ្ហា​ណាមួយ ឬការដោះស្រាយណាមួយពាក់ព័ន្ធនឹងកាតនោះ។

១០.៣ វីងអាចលាតត្រដាងព័ត៌មានលម្អិតអំពីកាតនោះទៅកាន់អ្នកណាម្នាក់ដែលធ្វើសកម្មភាពជាភ្នាក់ងាររបស់វីង ពាក់ព័ន្ធនឹងការប្រើប្រាស់ ឬការចេញកាតនោះ។

១០.៤ កិច្ចព្រមព្រៀងនេះត្រូវបានគ្រប់គ្រងដោយនិងត្រូវបានបកស្រាយស្របតាមច្បាប់នៃប្រទេសកម្ពុជា។

១០.៥ រាល់ការប្រាស្រ័យទាក់ទងទាំងអស់ស្របតាមកិច្ចព្រមព្រៀងនេះ នឹងត្រូវធ្វើឡើងជាភាសាអង់គ្លេស។

១១. ការប្រើប្រាស់ព័ត៌មានរបស់លោក-អ្នក

១១.១ ការសំរេចអំពីពាក្យស្នើសុំរបស់លោក-អ្នក
កាតអនឡាញ Mastercard ត្រូវបានចេញដោយវីង ហើយវីងគឺជាអ្នកគ្រប់គ្រងទិន្នន័យរបស់ម្ចាស់កាតទាំងអស់។ ព័ត៌មានផ្ទាល់ខ្លួនដែលលោក-អ្នកបានផ្តល់ជូនវីងអាចត្រូវបានប្រើប្រាស់នៅក្នុងឥរិយាបថណាមួយដែលបានកំណត់នៅក្នងខចែងទី ១៣។

១១.២ ការប្រើប្រាស់ និងការលាតត្រដាងព័ត៌មានរបស់លោក-អ្នក
ព័ត៌មានផ្ទាល់ខ្លួនអំពីលោក-អ្នក អាចត្រូវបានចែករំលែក និងត្រូវបានពិនិត្យប្រៀបធៀបដោយស្ថាប័នអាជីវកម្មផ្សេងទៀត ស្ថាប័នទប់ស្កាត់ការក្លែងបន្លំ ឬភ្នាក់ងារសំអាងឥណទាន អ្នកផ្គត់ផ្គង់ ភ្នាក់ងារ ឬអ្នកម៉ៅការបន្តរបស់វីង និងអ្នកណាម្នាក់ដែលបានណែនាំលោក-អ្នកមកកាន់វីង៖

• ដើម្បីផ្ទៀងផ្ទាត់អំពីអត្តសញ្ញាណ និង/ឬអាសយដ្ឋានរបស់លោក-អ្នក
• ដើម្បីតាមដានអំពីលោក-អ្នកជំពាក់បំណុល ដើម្បីប្រមូលបំណុលមកវិញ ដើម្បីទប់ស្កាត់ការក្លែងបន្លំ និងការលាងលុយកខ្វក់
• ដើម្បីគ្រប់គ្រង និងចាត់ចែងកាតរបស់លោក-អ្នក និង
• ព័ត៌មានទាំងនេះនឹងត្រូវបានប្រើប្រាស់ដោយវីង ដែលអាចអនុវត្តការស្រាវជ្រាវ និងវិភាគអំពីស្ថិតិ របាយការណ៍ និងការចាត់ចែងផ្នែកអនុលោមភាព និងបទប្បញ្ញត្តិពាក់ព័ន្ធនឹងកាត ស្របតាមគោលបំណងខាងលើ។

អតិថិជនផ្តល់ជូនវីង និងភាគីដែលពាក់ព័ន្ធនូវសិទ្ធិជាអចិន្ត្រៃយ៍ ​និងមិនជាប់តម្លៃសេវាកម្មសួយសារ ក្នុងការរក្សាទុកកំណត់ត្រានៃព័ត៌មានដែលបានផ្តល់ខាងលើ។

ប្រសិនបើលោក-អ្នកមានបំណងទទួលបានព័ត៌មានលម្អិតអំពីស្ថាប័នទប់ស្កាត់ការក្លែងបន្លំទាំងនោះ ដែលវីងទទួលបាន និងលោក-អ្នកដែលវីងធ្វើការកត់ត្រាទុក សូមសរសេរលិខិតមកកាន់យើងតាមរយៈអាសយដ្ឋានដែលបង្ហាញនៅក្នុងខចែង ១១.៣ ខាងក្រោម។ លោក-អ្នកមានសិទ្ធិស្របច្បាប់ចំពោះការទទួលបានព័ត៌មានលម្អិតទាំងនោះ។

១១.៣ សិទ្ធិទទួលបានព័ត៌មានរបស់លោក-អ្នក
លោក-អ្នកមានសិទ្ធិស្របច្បាប់ក្នុងការទទួលបានសំណៅចម្លងព័ត៌មានដែលវីងកាន់កាប់អំពីលោក-អ្នកមួយច្បាប់ តាមរយៈការដាក់ពាក្យស្នើសុំជាលាយលក្ខណ៍អក្សរមកកាន់វីងតាមរយៈ៖
ធនាគារឯកទេស វីង (ខេមបូឌា) លីមីធីត
លេខ ៧២១ មហាវិថីព្រះមុនីវង្ស
សង្កាត់បឹងកេងកងទី៣
ខណ្ឌចំការមន ភ្នំពេញ

ព្រះរាជាណាចក្រកម្ពុជា

១២. អាជីវករ

១២.១ វានឹងមានភាពចាំបាច់នៅគ្រប់ករណីទាំងអស់ សម្រាប់អាជីវករ ក្នុងការទទួលបានការអនុញ្ញាតដើម្បីអនុវត្តតាមការទិញ ការធ្វើបែបនេះគឺដើម្បីធានាថាមានទឹកប្រាក់គ្រប់គ្រាន់នៅក្នុងកាត។ វីងអាចបដិសេធមិនផ្តល់ការអនុញ្ញាតដល់ការទិញណាមួយ នៅពេលទឹកប្រាក់មិនគ្រប់គ្រាន់នៅក្នុងកាត។

១២.២ អាជីវករប្រហែលជាមិនអាចទទួលបានការអនុញ្ញាតពីវីងនៅក្នុងកាលៈទេសៈមួយចំនួន។ ប្រសិនបើករណីនោះកើតឡើង វីងនឹងមិនទទួលខុសត្រូវនោះទេ ប្រសិនបើលោក-អ្នកមិនអាចប្រើប្រាស់កាតនេះសម្រាប់ការទិញជាក់លាក់ណាមួយបាន។ លើសពីនេះទៀត វីងនឹងមិនទទួលខុសត្រូវចំពោះការបដិសេធរបស់អ្នកលក់រាយដែលចូលរួមណាមួយ ក្នុងការមិនទទួលយក ឬអនុវត្តតាមកាតនោះដោយសារមូលហេតុណាមួយឡើយ។

១២.៣ ប្រសិនបើអាជីវករណាម្នាក់ក្លាយជាអ្នកទទួលខុសត្រូវក្នុងការបង្វិលប្រាក់សងលោក-អ្នកវិញ វីងនឹងមិនដាក់ចំនួនទឹកប្រាក់នៃការបង្វិលសងណាមួយទៅកាន់កាតលោក-អ្នកវិញឡើយ ការបង្វិលប្រាក់សងវិញនោះ គឺជាបញ្ហារវាងលោក-អ្នក និងអាជីវករដែលពាក់ព័ន្ធ។

១៣. ការប្រាស្រ័យទាក់ទង

១៣.១ ប្រសិនបើលោក-អ្នកមានសំណួរណាមួយពាក់ព័ន្ធនឹងកាតរបស់លោក-អ្នក លោក-អ្នកអាចប្រើប្រាស់ “ទាក់ទងយើង” នៅលើវែបសាយត៍របស់វីង។ វីងនឹងដោះស្រាយសំណួររបស់លោក-អ្នកភ្លាមៗ។

១៣.២ ប្រសិនបើលោក-អ្នកមិនចង់សាកសួរសំណួរដោយវិធីនេះទេ លោក-អ្នកអាចមានជម្រើសក្នុងការហៅទូរស័ព្ទមកកាន់សេវាបម្រើអតិថិជនលេខ ០២៣ ៩៩៩៩ ៨៩។

១៤. វិវាទរបស់អាជីវករ

វីងនឹងមិនទទួលខុសត្រូវចំពោះទំនិញ និងសេវាកម្ម ដែលត្រូវបានផ្គត់ផ្គង់ដោយអាជីវករណាម្នាក់ ឬគ្រឹះស្ថានណាមួយពាក់ព័ន្ធនឹងប្រតិបត្តិការ ដែលអនុវត្តដោយម្ចាស់កាតឡើយ។ លើសពីនេះទៀត វឹងនឹងមិនទទួលខុសត្រូវឡើយ ប្រសិនបើអាជីវករ ឬអង្គភាពណាមួយបដិសេធមិនទទួលយក ឬមិនអនុវត្តតាមកាតអនឡាញនោះដោយសារមូលហេតុណាមួយឡើយ។ ទោះបីជាយ៉ាងណាក៏ដោយ វីងអាចធ្វើការការពារ និងប្តឹងជំទាស់ (ក្រោយពីការទាមទារលើកំហុសរដ្ឋប្បវេណីនានា) ចំពោះអ្វីមួយដែលកើតឡើងដោយសារប្រតិបត្តិការរបស់អតិថិជន ប្រសិនបើលោក-អ្នកមានបំណងប្រកបដោយសុឆន្ទៈ ប៉ុន្តែមិនអាចទទួលបានសេចក្តីពេញចិត្ត ឬដំណោះស្រាយពីអាជីវករ ឬគ្រឹះស្ថានទាំងនោះ។ ក្នុងករណីមានប្រតិបត្តិការដែលត្រូវបានបង្ហោះ​ ដោយមានការខុសឆ្គង ឬប្រតិបត្តិការក្លែងបន្លំនានាដែលពាក់ព័ន្ធនឹងកាតនេះ វីងនឹងគាំទ្រដល់ម្ចាស់កាតនៅក្នុងការប្រគល់ជូនវិញនូវការទាមទារទឹកប្រាក់នៃប្រតិបត្តិការនោះ ដោយជាដំបូងត្រូវធ្វើការស្នើសុំការសងប្រាក់ពីអាជីវករវិញទៅកាន់លោក-អ្នកទទួលការទូទាត់ប្រាក់នោះតាមរយៈប្រព័ន្ធទូទាត់ប្រាក់ផ្សេងៗគ្នា (វីសារ ឬម៉ាស្ទើរកាត)។ ប៉ុន្តែក្នុងករណីនេះ វិវាទលើការសងប្រាក់ពីអាជីវករវិញនេះ នឹងមានការបាត់បង់ផ្អែកតាមវិធានរបស់ប្រព័ន្ធទូទាត់ប្រាក់ផ្សេងៗគ្នា វីងនឹងមិនទទួលខុសត្រូវក្នុងការប្រគល់ជូនវិញនូវទឹកប្រាក់ដែលបានបាត់បង់ណាមួយនោះទេ ម្ចាស់កាតនឹងទទួលយកការបាត់បង់នោះ។

១៥. ប្រព័ន្ធដំណើរការមិនបានប្រក្រតី

វីងមិនបានធ្វើការអះអាង ឬការធានាពាក់ព័ន្ធនឹងបរិក្ខារ ឬប្រព័ន្ធនោះទេ ហើយវីងនឹងមិនទទួលខុសត្រូវចំពោះការខកខានក្នុងការផ្តល់សេវាណាមួយ ឬការអនុវត្តកាតព្វកិច្ចណាមួយដែលកើតឡើងដោយសារបរិក្ខារ ម៉ាស៊ីន ប្រព័ន្ធ ឬកាតអនឡាញដំណើរការមិនបានត្រឹមត្រូវ ការមិនដំណើរការនៃខ្សែបណ្តាញទំនាក់ទំនង ឬកាលៈទេសៈណាមួយផ្សេងទៀតដែលលើសពីការគ្រប់គ្រងរបស់វីងឡើយ។

១៦. បណ្តឹង

ប្រសិនបើលោក-អ្នកមិនពេញចិត្តចំពោះទិដ្ឋភាពណាមួយនៃសេវាដែលបានផ្តល់ដោយវីង សូមទាក់ទងមកកាន់សេវាបម្រើអតិថិជនលេខ ០២៣ ៩៩៩៩ ៨៩ ឬតាមរយៈ “ទាក់ទងយើង” នៅលើវែបសាយត៍របស់វីង ឬសរសេរលិខិតផ្ញើមកកាន់ ស្នាក់ការកណ្តាលរបស់វីង។ បុគ្គលិករបស់វីងនឹងមានសេចក្តីរីករាយក្នុងការជួយ និងពន្យល់អំពីនីតិវិធីបណ្តឹងឲ្យបានកាន់តែលម្អិតជាងនេះ។ សំណៅចម្លងមួយច្បាប់នៃនីតិវិធីបណ្តឹងនឹងអាចស្វែងរកបានបន្ទាប់ពីមានការស្នើសុំ។ វីងនឹងខិតខំប្រឹងប្រែង និងដោះស្រាយបណ្តឹងរបស់លោក-អ្នកឲ្យបានឆាប់រហ័សបំផុតតាមដែលអាចធ្វើទៅបាន។ ទោះបីជាយ៉ាងណាក៏ដោយ បណ្តឹងទាំងនោះតែងតែចាំបាច់ត្រូវធ្វើការស៊ើបអង្កេត។ វីងនឹងឆ្លើយតបទៅកាន់លោក-អ្នកក្នុងរយៈពេលប្រាំ (៥) ថ្ងៃអាជីវកម្មដើម្បីទទួលស្គាល់អំពីការទទួលបានបណ្តឹងរបស់លោក-អ្នក និងប្រាប់លោក-អ្នកអំពីរយៈពេលដែលត្រូវចំណាយមុនពេលដែលបណ្តឹងរបស់លោក-អ្នកត្រូវបានដោះស្រាយ។