Japan

ផ្ញើប្រាក់ពីជប៉ុនមកកម្ពុជាយ៉ាងងាយស្រួលតាមធនាគារវីង

ធនាគារ វីង និង City Express Money Transfer Japan កំពុងចាប់ដៃគ្នាក្នុងការផ្តល់នូវដំណោះស្រាយកាន់តែប្រសើរ និងសុវត្ថិភាពបន្ថែមទៀតសម្រាប់ប្រជាជនកម្ពុជាទាំងអស់ដែលកំពុងរស់នៅ ឬធ្វើការនៅប្រទេសជប៉ុន ក្នុងការផ្ទេរប្រាក់មកកាន់មនុស្សជាទីស្រលាញ់របស់ពួកគេនៅក្នុងប្រទេសកម្ពុជា។ អតិថិជនដែលមាន ឬគ្មានគណនីធនាគារ​ វីង អាចទទួលបានប្រាក់ពីប្រទេសជប៉ុនតាមរយៈ​អេប Wing Bank ឬពីវីងដែលនៅជិតលោកអ្នកបំផុត។

ហេតុអ្វីបានជាអ្នកត្រួវជ្រើសរើសធនាគារវីង?

• មធ្យោបាយផ្ទេរងាយស្រួល៖ នៅប្រទេសជប៉ុន អ្នកអាចផ្ញើប្រាក់បានដោយប្រើកាតផ្ញើប្រាក់ (City Remit Card) របស់ City Express នៅតាមម៉ាស៊ីនអេធីអឹម របស់ធនាគារ Japan Post Bank ណាមួយជាង 30,000 ទីតាំង ហើយចូលទៅកាន់បញ្ជរ City Express ជាង 25 ទីតាំង។
• រហ័ស និង សុវត្ថិភាព៖ អ្នកទទួលនៅក្នុងប្រទេសកម្ពុជាអាចទទួលបានប្រាក់យ៉ាងរហ័ស បន្ទាប់ពីប្រតិបត្តិការត្រូវបានបញ្ចប់ ហើយអ្នកអាចដកប្រាក់បានយ៉ាងងាយស្រួលនៅ វីង ដែលនៅជិតលោកអ្នក ឬអាចទទួលដោយផ្ទាល់ចូលក្នុងគណនីធនាគារវីងរបស់អ្នកទទួល។
• តម្លៃ៖ ថ្លៃសេវាផ្ទេរប្រាក់ថេរគឺ 1,000​ យ៉េនក្នុងមួយប្រតិបត្តិការ។ ធនាគារ វីង មិនមានការគិតថ្លៃបន្ថែមនៅខាងអ្នកទទួលទេ។

ចំនួនទឹកប្រាក់ផ្ទេរ

• សម្រាប់អ្នកទទួលជាមួយគណនីធនាគារ វីង អ្នកអាចទទួលបានរហូតដល់ 2,500 ដុល្លារក្នុងមួយប្រតិបត្តិការ និង 5,000 ដុល្លារក្នុងមួយថ្ងៃ។
• សម្រាប់អ្នកទទួលដោយគ្មានគណនីធនាគារ វីង អ្នកអាចទទួលបានប្រាក់ដល់ 1,000 ដុល្លារក្នុងមួយប្រតិបត្តិការ និងដល់ 2,500 ដុល្លារក្នុងមួយថ្ងៃ។

របៀបផ្ទេរពីប្រទេសជប៉ុន

សំរាប់អ្នកផ្ញើប្រាក់ ពីប្រទេសជប៉ុនមកកម្ពុជា អ្នកអាចធ្វើបានតាមជំហានងាយៗដូចខាងក្រោម៖

1. ធ្វើការចុះឈ្មោះនៅបញ្ជរ City Express ឬចុះឈ្មោះតាមរយៈ City Express App ដោយមិនគិតថ្លៃសម្រាប់ការចុះឈ្មោះ។

2. បន្ទាប់ពីការចុះឈ្មោះ City Express នឹងចេញប័ណ្ណផ្ទេរប្រាក់ City Remit Card ហើយបញ្ជូនទៅអាសយដ្ឋានរបស់អ្នក។ មិនមានការគិតថ្លៃបន្ថែមលើកាត និងសេវាដឹកជញ្ជូនទេ។

3. ផ្ញើប្រាក់តាមម៉ាស៊ីន ATM របស់ធនាគារ Japan Post Bank ណាមួយ ដោយប្រើ City Remit Card

4. អ្នកផ្ញើ នឹងទទួលបានការបញ្ជាក់តាមរយៈសារ SMS និងអ៊ីមែល